Statkevich_Mikola_ruchki strelka
Мікалай Статкевіч на волі
Мікалай Статкевіч на волі

Апазіцыйны палітык Мікалай Статкевіч 4 ліпеня каля 18 гадзін быў нечакана адпушчаны на свабоду.

Статкевіч быў затрыманы 3 ліпеня каля свайго дома, калі накіроўваўся на „Акцыю вызвалення і салідарнасці”. Ноч ён правёў у Цэнтры ізаляцыі правапарушальнікаў. Затрыманне палітыку патлумачылі неабходнасцю дасядзець 10 сутак адміністрацыйнага арышту за ўдзел у адной з восеньскіх акцый 2017 года. 25 сакавіка гэтага года Статкевіча ўжо змяшчалі ў ЦІП па гэтым абвінавачанні, аднак у той жа дзень адпусцілі — пасля заканчэння ў Менску мерапрыемстваў да 100-годдзя абвяшчэння Беларускай Народнай Рэспублікі.

4 ліпеня суд Першамайскага раёна Менска аштрафаваў Статкевіча на 40 базавых велічынь (980 рублёў) за заклікі прыняць удзел у несанкцыянаванай „Акцыі вызвалення і салідарнасці”, якая прайшла 3 ліпеня на бульвары Талбухіна ў Менску.

Дастаўлены ў суд Статкевіч заявіў, што не хоча ўдзельнічаць у гэтым спектаклі, і суд праходзіў без яго.

Меркавалася, што палітыка зноў адвязуць у ЦІП. Ён паведаміў БелаПАН, што з суда яго даставілі ў Першамайскае РУУС, дзе ён даведаўся пра штраф пасля ўручэння яму пастановы суда. Затым яго адпусцілі.

Такія дзеянні ўлад Статкевіч патлумачыў іх страхам і слабасцю.

„Адзінае, чаго баіцца рэжым, — гэта масавых вулічных пратэстаў у сталіцы. Гэты страх змушае яго гіпербалізавана рэагаваць на любыя праявы грамадзянскай актыўнасці. Нават на такое, як ўскладанне кветак на магілы савецкіх салдат”, — лічыць суразмоўца.

Слабасць рэжыму Статкевіч тлумачыць тым, што адна яго рука ад страху пратэстаў разганяе вулічныя акцыі, а іншая, якая хоча дыялогу з Захадам і крэдытаў ад яго, — робіць пэўныя паслабленьні.

Статкевіч адзначыў, што 3 ліпеня планавалася ўскладанне кветак да магілы савецкіх салдат на бульвары Талбухіна і да памятнага знака ахвярам палітычных рэпрэсій у парку Чалюскінцаў. Масавымі затрыманнямі (каля 30 чалавек) рэжым, адзначыў палітык, „прадэманстраваў сваё стаўленне да мінулай вайны, не даўшы нават ускласці кветкі”.

Беларускае радыё Рацыя паводле belapan.by 

Каментары
Няма каментароў.
Дадаць каментар
Імя:

Паверкавы код:


Увядзіце паверкавы код:

Беларускі нацыянальны кангрэс на Фэйсбуке Аргкамітэт Беларускага нацыянальнага кангрэса Мікалай Статкевіч - youtube.com Мікалай Статкевіч на Фэйсбуку

Зараз за кратамі ПРОСТА-ПРЫНТ Лісты на волю

Герб «Касцеша»


Наведвальнікаў за дзень: 2957
На лініі: 7
Рэкорд за дзень: 8197
Учора: 5751
За месяц: 85115

За апошнія 24 гадзіны:

























Меркаванне рэдкалегіі сайта statkevich.org можа не супрадаць з меркаваннямі аўтараў размяшчаемых матэрыялаў.

Калі ласка
ПУБЛІКУЙЦЕ КАМЕНТАРЫ
без рэгістрацыі!

..:: L-AMANT by HaYaLeT mail strelka_01 Valid XHTML 1.0 TransitionalValid XHTML 1.0 Transitional 19.11.2018 15:38
up