strelka
У вачах людзей чытаецца надзея
У вачах людзей чытаецца надзея

Што рухае тымі, хто прыходзіць на сустрэчы з лідарамі БНК?

На сустрэчу з лідарамі Беларускага Нацыянальнага Кангрэсу Міколам Статкевічам і Яўгенам Афнагелему Віцебску 26 чэрвеня прыйшло больш за 80 чалавек – больш, чым на любую з папярэдніх сустрэчаў у рэгіёнах.

Сайт Charter97.org папрасіў кандыдата ў прэзідэнты Беларусі ад БНК Міколу Статкевіча расказаць пра свае ўражанні ад сустрэчы і далейшыя планы:

– Уражанні ад Віцебска – вельмі пазітыўныя. На самай справе, 80 чалавек на сустрэчы з «галоўным ворагам Лукашэнкі» ў перапужанай дыктатарам краіне – гэта нямала. Людзі не хавалі свайго страху праз магчымыя рэпрэсіі, але, тым не менш, на сустрэчу прыйшлі.

Ведаеце, я цяпер хацеў бы падвесці вынікі не толькі сустрэчы ў Віцебску, але і ўсіх папярэдніх паездак па рэгіёнах Беларусі.

У вачах тых людзей, якія прыходзяць, я чытаю дзве эмоцыі. Першае – гэта надзея. У людзей з'яўляецца надзея – і яны шукаюць яе ўвасабленне.

І другое – гэта непакой. Непакой за лёс нашай краіны. Людзьмі, якія прыходзяць на сустрэчы з БНК, рухаюць два матывы. І без усялякіх перабольшанняў хачу сказаць: гэта найлепшыя людзі ў сваіх гарадах. Найлепшыя – таму што не могуць заставацца спакойнымі, думаюць, што рабіць, таму што Беларусь апынулася ў небяспечнай сітуацыі.

– Якія праблемы больш за ўсё хвалявалі людзей у Віцебску?

– Пытанні задаваліся самыя розныя.

Больш за ўсё, вядома, людзей хвалюе сацыяльна-эканамічная сітуацыя. «Што рабіць з эканомікай? Як перамагчы галечу?» – самыя частыя пытанні на нашых сустрэчах.

У Віцебску да гэтага дадалася новая тэма: новыя правілы прызыву ў войска, якія пазбаўляюць маладых людзей магчымасцяў атрымаць адтэрміноўку ў вучобе.

Але апошнім часам пачынаюць пераважаць пытанні палітычнага характару: як змяніць сітуацыю, як пазбавіць Беларусь ад гэтага рэжыму? І гэтая тэма наўпрост звязаная з пагрозай страты незалежнасці, якую людзі адчуваюць.

Хачу адзначыць яшчэ адну важную асаблівасць: на нашы сустрэчы прыходзяць людзі зусім розных поглядаў – а не толькі нашы традыцыйныя ідэйныя прыхільнікі. У Віцебску, напрыклад, на сустрэчы былі і людзі, якія бачаць свабодную і незалежную Беларусь у добрасуседскіх стасунках з РФ.

Для мяне было дзіўна, што яны прыйшлі на сустрэчу з палітыкам, якога ўлады спрабуюць паказаць у выглядзе «русафоба». Адзін з такіх людзей, які прыйшоў праверыць, «русафоб» я ці не, у канцы сустрэчы сказаў: «Што мы – пагаворым і разыдземся? Давайце ствараць нейкую працоўную групу, камісію». Я прапанаваў стварыць такую групу – і ў яе адразу ўступілі 40 чалавек. Яны таксама далучыліся да БНК і абралі свайго лідара.

Яшчэ адна асаблівасць сустрэчы ў Віцебску – вялікая колькасць цалкам новых людзей. Я нават назваў іх «новай сілай». І такіх людзей на апошніх сустрэчах прыходзіць блізу 80%.

– На першыя сустрэчы з Вамі ў рэгіёнах прыходзіла блізу 30 чалавек. У Наваполацку прыйшло ўжо 70, у Віцебску – 80. Чаму расце колькасць людзей на сустрэчах з лідарамі БНК?

– Па-першае, людзі адчуваюць адказнасць моманту. «Незалежнай» дыктатуры ў Беларусі ўжо не будзе. Яна магчымая толькі на расейскім змесце. А калі асноўны спонсар кажа: «усё, ці не даем грошай – ці ідзіце ў расейскую дыктатуру», то залежны ад яго кіраўнік можа зрабіць самае страшнае. Сама сітуацыя змушае людзей быць актыўнымі.

І другое – гэта адчуванне блізкасці пераменаў. Гэта натхняе людзей на пошукі адказу на набалелыя пытанні, мабілізуе іх прыходзіць на сустрэчы з прадстаўнікамі БНК.

– Можаце расказаць пра Вашы далейшыя планы?

– У нядзелю адбудзецца наша чарговая паездка – у Мазыр. А ў канцы ліпеня мы закончым паездкі ў рэгіёны ў цяперашнім фармаце.

А далей мы будзем арыентавацца на абвяшчэнне палітычнай кампаніі, парламенцкіх выбараў у Беларусі і ў жніўні пастановім, як мы выкарыстоўваем магчымасці гэтай кампаніі для прадаўжэння працы з людзьмі – у больш масавым фармаце.

charter97

Каментары
Няма каментароў.
Дадаць каментар
Імя:

Паверкавы код:


Увядзіце паверкавы код:

Мікалай Статкевіч - youtube.com Мікалай Статкевіч на Фэйсбуку Мікалай Статкевіч у Кантакце Мікалай Статкевіч  - аднакласнік Герб «Касцеша»



Наведвальнікаў за дзень: 876
На лініі: 1
Рэкорд за дзень: 21675
Учора: 863
За месяц: 24513

За апошнія 24 гадзіны:
























..:: L-AMANT by HaYaLeT mail strelka_01 Valid XHTML 1.0 TransitionalValid XHTML 1.0 Transitional 24.07.2019 02:02
up