Статкевіч анансаваў мітынг у Менску. Што там будзе

epa06063359 Nikolai Statkevich, former opposition presidential candidate in 2010 presidential campaign and former prisoner, speask to protesters during an opposition rally against a parade marking Independence Day and joint Russian-Belarussian military exercises 'West-2017', schedueld for September 2017, in Belarus in Minsk, Belarus, 03 July 2017. The Independence Day in Belarus is celebrated on the day of liberation of Belarussian territory from Nazi German troops in 1944. EPA/TATYANA ZENKOVICH

Мікола Статкевіч заклікаў прыйсьці ў нядзелю 6 кастрычніка ў 14 гадзін на мітынг «Абаронім Беларусь» на плошчы Свабоды ў Менску.

«Нашай краінай проста гандлююць, вядуцца перамовы пра тое, колькі незалежнасьці ў нас забярэ Крэмль, на якіх умовах і так далей. Сам факт вядзеньня такіх перамоваў — гэта ўжо зьнявага. Але і страшэнная небясьпека. Я думаю, што беларускае грамадзтва, патрыёты павінны ўзвысіць свой голас у абарону незалежнасьці», — лічыць Статкевіч.

Палітык кажа, што мітынг пройдзе ў фармаце перадвыбарчага пікету па зборы подпісаў за вылучэньне кандыдатаў у дэпутаты ад Народнай Грамады. Такі самы пікет на плошчы Свабоды ў Менску з гукаўзмацняльнай тэхнікай ужо праводзіўся 2 кастрычніка.

«То бок ужо ўсё праверана. Фармат цалкам адпавядае нават іхняму заканадаўству, ён легальны, ніякай пагрозы няма. Адмяніць рэгістрацыю ініцыятыўнай групы яны ня маюць права. То бок у нас месяц свабоды, і мы скарыстаемся гэтым месяцам», — сказаў Мікола Статкевіч.

«Законам не абумоўлена, у якой форме зьбіраюцца гэтыя подпісы, як заклікаць людзей падтрымаць кандыдата. Таму тое, што не забаронена, дазволена», — мяркуе палітык.

Грамада правяла ўжо 16 такіх падзей у рэгіёнах. 4 верасьня сустрэча з выбарцамі пройдзе ў Магілёве, 5 верасьня — у Жлобіне і Сьветлагорску.

«Народ прэ, чэргі стаяць»

На пікетах таксама зьбіраюцца подпісы ў ініцыятыўную групу кандыдата ў прэзыдэнты ад Беларускага Нацыянальнага Кангрэсу Міколы Статкевіча.

«Законам не абумоўлены парадак фармаваньня ініцыятыўнай групы, за пяць год ці за адзін дзень зьбіраць. Народ прэ, чэргі стаяць», — кажа палітык.

Паводле Міколы Статкевіча, у ягоную ініцыятыўную групу на прэзыдэнцкія выбары ўжо запісаліся больш за 3 тысячы чалавек.

«Скончым запісваць на пікетах, працягнем запісваць праз інтэрнэт. У маёй ініцыятыўнай групе будзе 10 тысяч, і мы разам панясём сьпісы на рэгістрацыю ў ЦВК, пасьля абвяшчэньня выбараў. І пастаім на плошчы Незалежнасьці, пачакаем вынікаў», — кажа Мікола Статкевіч.

6 верасьня на плошчы Свабоды патэнцыйныя кандыдаты ў дэпутаты ад Народнай Грамады абвесьцяць пра сваё кансалідаванае рашэньне, ці панясуць яны сабраныя подпісы на рэгістрацыю.

Радыё Свабода

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *