Палачи хотят в Европу.
Жить в Беларуси, в стране для жизни? Поищите дурачков. Это не для них.
Рассказываю, что своими ушами слышал от двух ментовок, которые две недели не давали мне спать.
#беларусь #народнаяграмада #гулаг #политзаключенные

Поспех партыі «Народная Грамада»!

У Вільні сацыял-дэмакраты падрыхтавалі рэзалюцыю аб інтэграцыі і падтрымцы імігрантаў, у якой прапануецца:
- пашыраць магчымасці для вывучэння літоўскай мовы,
- заахвочваць удзел у жыцці горада,
- ствараць умовы для поўнай інтэграцыі ў грамадства.

У дакуменце таксама прадугледжана фінансавая падтрымка і дапамога недзяржаўным арганізацыям, якія займаюцца інтэграцыйнымі праектамі.
Рэзалюцыю разгледзяць на пасяджэнні муніцыпалітэта ўжо ў бліжэйшую сераду.

Мы нагадваем, што партыя «Народная Грамада» неаднаразова абмяркоўвала гэтыя пытанні з Віленскай гарадской арганізацыяй сацыял-дэмакратаў — пра працу, бяспеку беларусаў у Літве, моўныя курсы і інтэграцыю.

На мінулым тыдні падчас сустрэчы мы пацвердзілі гатоўнасць рэалізоўваць усе дамоўленасці і працягваць падтрымку беларусаў, якія будуюць сваё жыццё ў дэмакратычнай Літве.

Чакаем добрых навін і рэальных змен!

Еўрапарламент заклікаў да неадкладнага вызвалення ўсіх палітвязняў у Беларусі

У рэзалюцыі, прынятай 22 кастрычніка ў Страсбургу, дэпутаты адзначылі, што сітуацыя з правамі чалавека ў краіне пагаршаецца з кожным годам пасля сфальсіфікаваных выбараў 2020-га. Асобна падкрэсліваецца адказнасць рэжыму Лукашэнкі за смерці палітвязняў у турмах.

Еўрадэпутаты папярэдзілі, што Лукашэнка выкарыстоўвае палітвязняў як разменную манету ў спробах атрымаць саступкі ад Захаду. Асобна ўзгадваецца выпадак Мікалая Статкевіча, які адмовіўся пакінуць Беларусь і цяпер утрымліваецца ў ізаляцыі без сувязі з вонкавым светам.

Еўрапарламент таксама заклікаў узмацніць санкцыі супраць асоб і арганізацый, датычных да рэпрэсій, парушэнняў правоў чалавека і ўдзелу Беларусі ў расійскай агрэсіі супраць Украіны.

Барацьба за свабоду працягваецца. І пакуль за кратамі застаюцца сотні нявінных беларусаў — мы не маем права маўчаць. Свободу Мікалаю Статкевічу! Свободу ўсім палітвязням!

https://charter97.org/ru/news/2025/10/24/660394/
Андрей Санников: «Финляндизация» Беларуси — не просто бред, а пророссийская провокация

Кватэру завочна асуджанага палітыка Яўгена Вільскага, выконваючага абавязкі старшыні партыі «Народная Грамада», выставілі на аўкцыён.

Летась суд прысудзіў яму 12 гадоў калоніі і штраф у памеры 480 тысяч рублёў. Цяпер у спісах аўкцыёна з’явілася ягоная трохпакаёвая кватэра ў дзесяціпавярховым доме ў Наваполацку. Паводле інфармацыі, у жыллі зарэгістраваныя тры чалавекі. Стартовая цана складае 141 710 рублёў.

Гэта чарговы прыклад таго, як рэжым імкнецца не толькі пазбавіць палітычных апанентаў свабоды, але і адабраць у іх апошняе, што звязвала з Беларуссю, — дом і маёмасць.

У ноч з 29 на 30 кастрычніка 1937 года савецкая ўлада здзейсніла адзін з самых жудасных злачынстваў супраць беларускага народа — была знішчаная кветка беларускай інтэлігенцыі. У мінскім НКВД расстралялі больш за сто паэтаў, пісьменнікаў, навукоўцаў, настаўнікаў, святароў. Сярод іх — Тодар Кляшторны, Алесь Дудар, Анатоль Вольны, Платон Галавач, Валерый Маракоў, Міхась Чарот і многія іншыя. Іх віна была толькі ў тым, што яны любілі Беларусь і яе мову.

Гэтая ноч увайшла ў гісторыю як Ноч расстраляных паэтаў — сімвал спроб знішчыць памяць, культуру і годнасць беларусаў.

Сёння гісторыя паўтараецца. Рэжым Лукашэнкі зноў вынішчае беларускую культуру: закрываюцца незалежныя выданні, ліквідуюцца тэатры і выдавецтвы, пераследуюцца мастакі, настаўнікі і пісьменнікі. Але, як і тады, беларускае слова і дух свабоды не забіць. Пакуль жыве памяць — жыве Беларусь.

Павіншавалі з юбілеем вялікага сябра дэмакратычнай Беларусі Спікера Сейма Літоўскай Рэспублікі Juozas Olekas.
Жадаем моцнага здароўя, бадзёрасці духу і няхай надыходзячы год стане перыядам значных дасягненняў і свету. - Жадаем мудрасці, душэўнага спакою і падтрымкі калег і блізкіх ва ўсіх пачынаннях. -
Няхай кожны крок у палітычнай і грамадскай дзейнасці прыносіць радасць, прызнанне і задавальненне ад вынікаў.
З днём нараджэння!

50 суток назад исчез Николай Статкевич. До сих пор нет никакой официальной информации о его местонахождении.

У Вільні прайшоў Круглы стол на тэму «Падтрымка добраахвотнікаў пасля службы ва Украіне», арганізаваны клубам «Літвіны».
На мерапрыемстве прысутнічалі прадстаўнікі Беларусі, Украіны, Літвы і Польшчы.
Некалькі членаў Народнай Грамады прынялі ўдзел у якасці экспертаў і гасцей. Народная Грамада заўсёды лічыла тэму вайны супраць расійскай агрэсіі ва Украіне надзвычай важнай.
У абмеркаванні ўдзельнічалі і літоўскія эксперты, што сведчыць пра тое, што гэтая тэма для іх істотная і паступова ўваходзіць у свядомасць еўрапейцаў.
Вядома, хацелася б, каб гэты працэс ішоў хутчэй, але ўсё ж прагрэс прыкметны.
Ёсць надзея, што добраахвотнікі пасля заканчэння кантрактаў ва Украіне не застануцца сам-насам са сваімі праблемамі.

Шаноўныя Беларусы,

Запрашаем Вас прыняць удзел у другім «Сходзе Неабыякавых»,

які адбудзецца

21 Лістапада 2025 года ў Вільне.

Мерапрыемства пройдзе ў фармаце канференціі з удзелам прадстаўнікоў беларускай апазіцыі, нацыянальна арыентаваных сіл, ваяроў, а таксама грамадзянскіх дзеячаў і прадстаўнікоў дыяспары.

Па выніках канференціі будуць прыняты рэзалюцыі і мемарандум, які зафіксуе пазіцыі ўдзельнікаў па ключавых пытаннях.
Ваш досвед, актыўная пазіцыя і экспертнае меркаванне вельмі важныя для эфектыўнай кансалідацыі намаганняў беларускага грамадства ў гэты няпросты час.

Дата: 21 Лістапада 2025
Месца правядзення: Вільня

Адркыццё рэгістрацыі абвесцім крыху пазней.

Жыве Беларусь!
Беларусь перадусім!

З мэтай выключэння маніпуляцый і скажэння фактаў паведамляем пра рашэнне Выканаўчай Рады партыі "Народная Грамада" ад 21 кастрычніка 2025 года, якое публікуецца часткова, паколькі мае ўнутрыпартыйны характар.

Рашэнне прынята ў строгай адпаведнасці з Палажэннем аб "Крызіснай сітуацыі ў партыі", ухваленым справаздачна-выбарчай канферэнцыяй у снежні 2023 года. Гэта Палажэнне дзейнічае як часовая прававая база для працы партыі ў замежжы, у сітуацыі, калі нармальнае функцыянаванне ў межах Беларусі немагчыма.

У апублікаванай частцы рашэння не ідзе гаворка пра выключэнне Сяргея Спарыша з партыі — гаворка толькі пра часовае адхіленне яго ад выканання абавязкаў генеральнага сакратара. Пры гэтым яму прапанавана застацца ў складзе партыі і працягваць працу ў іншай якасці.

Такім чынам, любыя інтэрпрэтацыі, якія падаюць гэта як «канфлікт» або «развал» партыі, з’яўляюцца маніпулятыўнымі і не адпавядаюць рэчаіснасці.

Выканаўчая Рада партыі "Народная Грамада", кіруючыся Палажэннем аб "Крызіснай сітуацыі ў партыі", паведамляе наступнае:

У снежні 2023 года справаздачна-выбарчая канферэнцыя партыі прыняла рашэнне ў сваёй дзейнасці кіравацца Палажэннем аб "Крызіснай сітуацыі ў партыі" замест Статута, бо Статут рэгламентаваў дзейнасць партыі толькі ў Рэспубліцы Беларусь.

У адпаведнасці з гэтым рашэннем усе людзі, якія знаходзіліся ў зняволенні або змагаліся ва Украіне, захоўвалі свае пасады. Работу праводзілі абраныя шляхам адкрытага галасавання людзі з прыстаўкай «выконваючы абавязкі». Гэта было данінай павагі (п. 2 Пратакола №1).

Згодна з Палажэннем аб "Крызіснай сітуацыі ў партыі" пасля вызвалення Сяргея Спарыша, яму аўтаматычна вярнулі пасаду генеральнага сакратара з пераводам Алены Філатавай на пасаду намесніцы старшыні па Беларусі і Украіне.

Да нашага вялікага жалю, Сяргей Спарыш не прыняў дзеючую мадэль працы партыі, не прыняў справы ад в. а. генеральнага сакратара Філатавай Алены і заявіў, што не прызнае Палажэнне аб "Крызіснай сітуацыі ў партыі", і выйшаў з чату Выканаўчай Рады партыі "Народная Грамада". За паўтара месяца знаходжання ў складзе віленскай суполкі Сяргей Спарыш стварыў нецярпімую атмасферу сварак і ўзаемных абвінавачванняў у бяздзейнасці чальцоў партыі, і самая вялікая суполка партыі апынулася на мяжы развалу. Шмат людзей стаяць на парозе выхаду з партыі. Адзін сябар партыі пакінуў чат віленскай суполкі.

Выканаўчая Рада партыі "Народная Грамада" была вымушана рэагаваць. Паўстала пытанне аб выключэнні Сяргея Спарыша ў адпаведнасці з Палажэннем аб "Крызіснай сітуацыі ў партыі" (п. п. а) п. 9 Пратакола №3). Але пасля цяжкіх дыскусій было вырашана ўсё ж пакінуць нашага старога таварыша, даўшы яму шанец адаптавацца, рэабіліціравацца, прадаставіўшы яму магчымасць аднавіць канструктыўны ўдзел у працы партыі.

Кіруючыся вышэйзазначанымі фактамі, Выканаўчая Рада партыі "Народная Грамада" прыняла цяжкае, але неабходнае рашэнне:

1. Адхіліць Сяргея Спарыша ад выканання абавязкаў генеральнага сакратара.
Абгрунтаванне: парушэнне Пратакола №7 Палажэння аб "Крызіснай сітуацыі ў партыі".

2. Прапанваць Сяргею Спарышу выконваць абавязкі старшыні інфармацыйнай камісіі (пры яго згодзе) з выпрабавальным тэрмінам адзін месяц.

3. Абавязкі генеральнага сакратара даручыць выконваць Алене Філатавай да знаходжання кандыдатуры на гэтую пасаду або да наступнай справаздачна-выбарчай канферэнцыі.

Выканаўчая Рада партыі "Народная Грамада".
21.10.2025 г.

Адначасова з гэтым звяртаем увагу на Заяву Выканаўчай Рады ад 10.11.2025 году.

ЗАЯВА
Выканаўчай Рады партыі "Народная Грамада" ад 10.11.2025г.

Аб удакладненні рашэння Выканаўчай Рады партыі “Народная Грамада” ад 21.10.2025 г.

У сувязі з тэхнічнай некарэктнасцю ў фармулёўцы рашэння Выканаўчай Рады партыі “Народная Грамада” ад 21 кастрычніка 2025 года, у якой ужыта слова “адхіліць” (п.1 рашэння) адносна Сяргея Спарыша, паведамляем наступнае:

Згодна з Пратаколам №1 і Пратаколам №7 Палажэння аб “Крызіснай сітуацыі ў партыі”, сябры Выканаўчай Рады могуць спыніць выкананне сваіх абавязкаў па ўласнай ініцыятыве, падаўшы заяву або зрабіўшы афіцыйную публічную заяву аб самавыходзе.

Як сведчыць перапіска і матэрыялы афіцыйнага чата Выканаўчай Рады (у адпаведнасці з Палажэннем аб інтэрнэт-камунікацыі, зацверджаным партыяй), Сяргей Спарыш самастойна выйшаў з чату Выканаўчай Рады і спыніў удзел у яе працы, што юрыдычна з’яўляецца добраахвотным складаннем паўнамоцтваў.

Такім чынам, фармулёўка ў рашэнні “адхіліць Сяргея Спарыша ад выканання абавязкаў генеральнага сакратара” не адпавядае фактычным абставінам і павінна быць выпраўлена на:
“Улічыць добраахвотны выхад Сяргея Спарыша са складу Выканаўчай Рады і спыненне ім выканання абавязкаў генеральнага сакратара партыі.”

Усе іншыя пункты рашэння ад 21.10.2025 г. застаюцца без змянення.