Лукашэнка: АБСЕ можа накіраваць на прэзідэнцкія выбары ўсіх, каго палічыць неабходным
АБСЕ зможа накіраваць для назірання за прэзідэнцкімі выбарамі ў Беларусі ўсіх прадстаўнікоў, каго палічыць патрэбным. Пра гэта сёння заявіў Аляксандр Лукашэнка на сустрэчы з генеральным сакратаром АБСЕ Ламберта Заньерам і дырэктарам БДІПЧ АБСЕ Міхаэлем Георгам Лінкам.
АБСЕ — гэта арганізацыя, якая вельмі сур\’ёзна назірае за выбарным працэсам, адзначыў Лукашэнка. «Не скажу, што мы задаволеныя, як гэта адбываецца. Не таму, што вы часцей нас крытыкуеце, чым адзначаеце нешта станоўчае. Не, не таму, а таму што ў нас да гэтага няма адзіных падыходаў, правілаў у рамках АБСЕ да назірання за выбарамі», — сказаў ён.
Кіраўнік дзяржавы дадаў, што Беларусь разам з постсавецкімі рэспублікамі ў свой час прапанавала свае варыянты такіх падыходаў. «Мяркую, што яны хоць калі-небудзь будуць разгледжаныя і прынятыя. Але жыццё ідзе. Можна згаджацца з чымсьці — не згаджацца, крытыкаваць адзін аднаго — не крытыкаваць. Але тым не менш мы маем абавязацельствы перад АБСЕ ў гэтай частцы», — падкрэсліў беларускі лідар.
Сёлета ў Беларусі павінны прайсці прэзідэнцкія выбары. «Лічыце, што мы запрасілі ўсіх вашых прадстаўнікоў, якіх вы лічыце патрэбным накіраваць для назірання за выбарным працэсам», — сказаў Аляксандр Лукашэнка.