Лукашэнка выслаў амбасадара Польшчы і прадстаўніка ЕС (Відэа)
Галаве прадстаўніцтва ЕС у Беларусі Майрэ Мора і амбасадару Польшчы Лешаку Шарэпку “прапанавана выехаць у свае сталіцы для кансультацый, каб давесці свайму кіраўніцтву цвёрдую пазіцыю беларускага боку пра недапушчальнасць ціску і санкцый”.
Пра гэта гаворыцца ў распаўсюджанай 28 лютага заяве прэс-сакратара МЗС Беларусі Андрэя Савіных, як рэакцыя на рашэнне Рады ЕС пра пашырэнне спісу беларускіх службоўцаў, якім зачынены ўезд у Еўрапейскі звяз.
У Мінск для кансультацый адкліканы сталы прадстаўнік Беларусі пры Еўрасаюзе Андрэй Еўдачэнка і амбасадар Беларусі ў Польшчы Віктар Гайсёнак. Афіцыйны Мінск таксама зачыніць уезд тым асобам з краін Еўрасаюза, якія садзейнічалі ўводзінам абмежавальных мер у стаўленні Беларусі, заявіў прэс-сакратар.
На санкцыі – санкцыі (БЕЛСАТ. 28.02.12)
Поляки прогнулись, раздосадовавшись на словенцев
ЕС отзывает послов из Беларуси
ЕС наложил новые санкции на Сирию и Беларусь
Лукашэнка выслаў амбасадара Польшчы і прадстаўніка ЕС
“Рашэнне Рады ЕС кажа пра тое, што Еўрасаюз працягвае прытрымлівацца палітыкі адкрытага ціску, — лічыць Савіных. — Мы неаднаразова на ўсіх узроўнях тлумачылі бесперспектыўнасць такой палітыкі ў стаўленні Рэспублікі Беларусь”.
“У выпадку працягу ціску на Рэспубліку Беларусь будуць прыняты і іншыя меры для абароны нашых інтарэсаў”, — заявіў ён.
“Мы спадзяемся, што службовыя асобы ЕС і яго дзяржаў-чальцоў усведамляюць недасканаласць сілавога шляху”, — адзначыў прадстаўнік МЗС.
Па яго словах, “прапановы Беларусі пра развіццё дыялогу з Еўрапейскім звязам на аснове прынцыпаў раўнапраўя і ўзаемнай павагі застаюцца ў сіле”.
У польскім пасольстве і прадстаўніцтве ЕС пакуль не каментуюць заяву МЗС з прапановай супрацоўнікам дыпмісій пакінуць Беларусь.