Мікалая Статкевіча этапавалі з гомельскага СІЗА ў невядомым кірунку

Аб гэтым паведаміла ў фэйсбук яго жонка Марына Адамовіч.

“Ну што ж, бывай, Гомель! Пачаўся новы, ва ўсіх сэнсах, этап нашага жыцця.

Мікола Статкевіч учора этапаваны з СІЗА 3 у Гомелі. Куды? Невядома. Калі “па закону”, то ў Глыбокае. Толькі там ёсць асаблівы рэжым то бок, “камернае ўтрыманне” – такая сабе турма ў калоніі.

Застаецца толькі чакаць і маліцца, каб этап не быў занадта цяжкім. Хаця гэта цяжка заўжды.

Бясконца ўдзячная ўсім дарагім гамельчанам, якія нязменна і несупынна нас падтрымлівалі і дапамагалі на працягу ўсяго гэтага часу.

Дзякуй, дарагія! 🙏❤️

Ну і памятаем, што кожны дзень набліжае нашых каханых да Волі.

P.S. Этапаваныя таксама Ігар Лосік і Дзмітрый Папоў. Цыгановіч, Ціханоўскі і Сакаў пакуль у Гомелі”