Мікашэвіцкага актывіста затрымалі за ўлёткі пра палітвязняў

Віталя Каліноўскага затрымалі за расклейванне на аўтобусных прыпынках інфармацыйных улётак пра беларускіх палітвязняў.

У Мікашэвіцкім раённым аддзяленні актывіста пратрымалі больш за дзве гадзіны, канфіскавалі ўлёткі і склалі на яго адміністрацыйны пратакол за «распаўсюд улётак нерэкламнага характару», паведамляе «Радыё Рацыя».

– Патрабавалі, каб я прызнаўся, што я ўсюды расклейваў улёткі сам. Улёткі, на тэму палітвязняў. Заўтра суд над Юрыем Рубцовым у Пружанскім раённым судзе. І вельмі важна, каб людзі ведалі, што ў нас ёсць палітвязні, якія не могуць свабодна выказваць сваё меркаванне.

Як распавёў Віталь Каліноўскі вызначана ўжо прыкладная дата суда паводле ягонай справы – не пазней за 12 чэрвеня.