Рубцоў: “Зараз патрэбна аказваць ціск не на мяне, а на Лукашэнку”
Трымае галадоўку пратэсту ў калоніі ў Купліне палітвязень Юры Рубцоў. Актывіст вылучыў палітычнае патрабаванне: гарантаваць эфір для апазіцыйных палітыкаў на дзяржаўным тэлебачанні.
Апазіцыя скептычна ставіцца да магчымасцяў дабіцца эфірнага часу праз галадоўку.
Юры Рубцоў так патлумачыў сваім апанентам рашэнне пра прычыны галадоўкі
– Крытыкам у мой адрас магу сказаць наступнае: зараз патрэбна аказваць ціск не на мяне, а на Лукашэнку. Гэта не я парушаю асноўны Закон Беларусі. Парушае Канстытуцыю Лукашэнка. Патрабаванне эфіру на цэнральным канале – гэта патрабаванні не мае, гэта патрабаванні Канстытуцыі я проста патрабую, каб Лукашэнка іх выконваў.
СЛУХАЙЦЕ ТУТУ кастрычніку 2014 году суддзя Цэнтральнага суду Менску Наталля Вайцеховіч пакарала Юрыя Рубцова паўтара гадамі «хіміі» за знявагу суддзі Кірыла Палулеха. Той судзіў актывіста вясною – пасля акцыі «Чарнобыльскі шлях – 2014». Рубцоў быў на шэсці ў майцы з надпісам «Лукашэнка, сыходзь!». Міліцыянты затрымалі актывіста і прывезлі ў суд у адных штанах.
Калі суддзя Кірыл Палулех пагадзіўся судзіць Юрыя ў такім выглядзе, той, паводле словаў суддзі, назваў яго «падонкам». Касацыйную скаргу Рубцова Менскі гарадзкі суд адхіліў.
28-га студзеня – шосты дзень бестэрміновай галадоўкі актывіста Юрыя Рубцова, які адбывае тэрмін у выглядзе абмежавання волі ў калоніі ў Купліне Пружанскага раёна. Як паведаміў Юрый Рубцоў, сёння заява аб яго галадоўцы і патрабаваннях была зарэгістраваная. З ім таксама сустрэўся памочнік пракурора.
– Заяву маю ўсё ж такі зарэгістравалі. Быў памочнік пракурора, каб высветліць, якія ўздзеянні прымала на мяне адміністрацыя, мяркуючы, што я пачаў галадоўку з-за нейкага ціску адміністрацыі турмы. Адміністрацыя турмы мяне прымушала працаваць за той заробак, які яна мне прапанавала, і я адмовіўся, але мае палітычныя патрабаванні маюць першасную важнасць, і памочнік пракурора ў маіх сведчаннях адзначыў тое, што патрабаванне годнага заробку пераходзіць на другі план, і яно павінна быць выканана пасля выкання асноўнага патрабавання – палітычнага.
22 студзеня Юры Рубцоў абвясціў бестэрміновую галадоўку з патрабаваннем прадаставіць эфір на дзяржаўным тэлебачанні прадстаўнікам апазіцыі, а таксама гарантыяў працы ў калоніі з сярэднім заробкам па краіне. Юрыя Рубцова Беларускі Хельсінскі камітэт і праваабарончы цэнтр „Вясна” прызналі палітвязнем.
Валянціна Лаеўская, Беларускае Радыё Рацыя