У Гомелі вынеслі прысуд Статкевічу – 14 гадоў калоніі асаблівага рэжыма

14 снежня ў СІЗА-3 Гомеля абвясцілі прысуд у справе палітыкаў Сяргея Ціханоўскага і Мікалая Статкевіча, блогераў Уладзіміра Цыгановіча і Ігара Лосіка ды чальцоў каманды Святланы Ціханоўскай на выбарах 2020 года Арцёма Сакава і Дзмітрыя Папова.

Мікалай Статкевіч асуджаны да 14 гадоў калоніі асаблівага рэжыма.

Сяргей Ціханоўскага асуджаны да 18, Сакаў і  Папоў – да 16, Цыгановіч і Лосік –да 15 гадоў калоніі ўзмоцненага рэжыму.

Адвакаты ўсіх падсудных далі падпіску аб неразгалошванні, таму невядома, якое пакаранне запрошваў пракурор для кожнага з абвінавачаных.

Вядома, што Мікола Статкевіч адмовіўся браць удзел у судзе; такім чынам, Статкевіча судзілі без ягонай прысутнасьці.

Абскардзіць судовае рашэнне можна праз абласны суд у Вярхоўным судзе. На гэта ёсць 10 дзён.

Працэс у гэтай справе быў закрытым і цягнуўся 173 дні, а следства – больш за год. У залу суду пускалі толькі абвінавачаных, адвакатаў, суддзю, пракурора і супрацоўнікаў дзяржаўных медыяў. Сваякам дазволілі прысутнічаць толькі на вынясенні прысуду.

Палітвязняў судзілі арганізацыю масавых пратэстаў, якія адбываліся ў Беларусі ў 2020 годзе, хоць іх затрымалі яшчэ нават да выбараў. Ні праваабаронцы, ні родныя ўсіх шасці абвінавачаных не ведалі, якія абвінавачанні ў выніку выставіў фігурантам справы пракурор.

У Гомлі вынеслі прысуд у справе Ціханоўскага–Статкевіча–Лосіка