Вячаслава Сіўчыка хочуць дапытаць

Лідара руху салідарнасці «Разам» Вячаслава Сіўчыка спрабавалі дапытаць аб факце ягонага ўдзелу ў мітынгу апазіцыі на плошчы Свабоды 23 верасня.

Як распавёў палітык, яму патэлефанавалі з Цэнтральнага РАУС Менска. Сіўчык адмовіўся даваць сведчанні праз тэлефон, перадае «Радыё Рацыя».

– Гэтая гутарка паказвае, што рэжым Лукашэнкі абсалютна не мяняецца. Не было ніякіх падстаў, каб складаць на мяне пратакол. Я не разумею дзеянняў таго чалавека, які мне тэлефанаваў, – заявіў Вячаслаў Сіўчык.

30 верасня ў судзе Цэнтральнага раёна Менска адбыліся адміністрацыйныя працэсы над Мікалаем Статкевічам, Анатолем Лябедзькам, Уладзімірам Някляевым і Мікалаем Казловым. Усе справы закончыліся прысудамі ў выглядзе штрафаў.