За партрэт Статкевіча Павел Вінаградаў асуджаны на 12 сутак
23 красавіка ў судзе Цэнтральнага раёна Мінска адбыўся разгляд адміністрацыйнай справы ў дачыненні да лідара моладзевага крыла кампаніі «Гавары праўду» — «Zмена» Паўла Вінаградава. Грамадскі актывіст пакараны 12 суткамі адміністрацыйнага арышту.
Жонка Паўла Вінаградава Святлана ля будынка суда.
Паўлу ставіўся ў віну ўдзел у «несанкцыянаваным масавым мерапрыемстве». Суддзя дазволіла прысутнічаць толькі жонцы Вінаградава Святлане і міліцыянерам-сведкам.
Нагадаем, што ў нядзелю, 21 красавіка, на станцыі метро «Няміга» быў вывешаны партрэт палітвязня Міколы Статкевіча ібел-чырвона-белы сцяг. У панядзелак Павел быў затрыманы.
Гарачы каментар на Белсаце з жонкай Міколы Статкевіча Марынай Адамовіч