Біла Гейтса папрасілі дапамагчы з перасадкай галавы расейскага праграміста
Італьянскі нейрахірург Сэрджыа Канавэра разлічвае правесці першую ў гісторыі аперацыю па перасадцы чалавечай галавы на грошы амерыканцаў.
У гэтым ён прызнаўся на канферэнцыі амерыканскай Акадэміі нейрахірургаў і хірургаў-артапедаў, якая прайшла ў пятніцу, 12 чэрвеня, у Анаполiсе (штат Мэрылэнд, ЗША), паведамляе Lenta.ru са спасылкай на сайт clarin.com.
Перад канферэнцыяй Канавэра ўпершыню сустрэўся са сваім патэнцыйным пацыентам – праграмістамВалерыем Спірыдонавым з Уладзіміра, які пакутуе невылечнай спінальнай атрафіяй. Расеец таксама ўзяў удзел у прэзентацыі, якая доўжылася блізу трох гадзін.
«Такія мільянеры, як Біл Гейтс (адзін з найбагацейшых людзей у свеце, філантроп, заснавальнік Microsoft – заўв. «Ленты.ру»), маглі б падтрымаць мой амбіцыйны праект», – заявіў Канавэра, выступаючы перад аўдыторыяй. Ён параўнаў фінансаванне аперацыі з падтрымкай палёту карабля «Апалона-11», які здзейсніў першую пасадку на паверхню Месяца.
Канавэра адзначыў, што чакае падтрымкі сваёй ідэі менавіта ў ЗША. «Я прашу вас, амерыканцаў, унесці свой уклад – я свой зрабіў, выдаткаваў 30 гадоў свайго жыцця!» – дадаў ён.
Нейрахірург падкрэсліў, што «ў яго ёсць дэталёвы план», і заклікаў далучыцца да яго прысутных у зале лекараў. Канавэра паказаў, што яму для правядзення аперацыі спатрэбіцца больш за 100 спецыялістаў па артапедыі, сасудзістай хірургіі і іншых, паведамляе National Geographic. Аднак ён ухіліўся ад адказаў на тэхнічныя пытанні спецыялістаў, спаслаўшыся на тое, што дыскусія была б занадта складанай для прэсы, якой, са слоў арганізатараў, у зале было больш, чым лекараў.
Хірургі скептычна ўспрынялі даклад Канавэра, частка з іх выходзілі з залы падчас дакладу. Пасля выступу італьянца шэраг лекараў сказалі карэспандэнту РІА Новости, што аперацыя магчымая ў прынцыпе, але цяпер тэхналогіі для яе правядзення не распрацаваны да канца.
«Фінансаванне – таксама праблема, але тэхнічныя і навуковыя праблемы, на мой погляд, таксама не вырашаныя», – мяркуе хірург Чанд Рамайя з Тэнэсі. Паводле ягохны слоў, «ёсць шмат складаных рэчаў, якія неабходна злучыць, каб прымусіць спінны мозг расці» і «калі б гэта працавала так проста, мільёны людзей не былі б паралізаваныя і хадзілі б». У той жа час ён абмовіўся, што першапачаткова кожная трансплантацыя здавалася навукоўцам вар\’яцтвам.
Канавэра і Спірыдонаў разлічваюць правесці аперацыю ў 2017 годзе. Паводле ацэнак Capital Gazette, для гэтага спатрэбіцца каля 100 мільёнаў даляраў. Сама аперацыя зойме парадку 36 гадзін.