Чатыры гады за кратамі – напамін на мяжы

Білборд з выявай кандыдата на мінулых прэзідэнцкіх выбарах, палітвязня Мікалая Статкевіча з\’явіўся на тэрыторыі Польшчы паблізу беларускай мяжы.

На ім змешчана выява Мікалая Статкевіча за кратамі і надпіс “Свабоду!”

Гэту акцыю ажыццявілі сябры Грамадзянскай ініцыятывы “Свабоду Мікалаю Статкевічу і іншым палітвязням”, у якую ўваходзяць сябры ініцыятыўнай групы Мікалая Статкевіча, родныя былых і сённяшніх палітвязняў, неабыякавыя людзі.

Акцыя прымеркавана да чацвёртай гадавіны Плошчы і нядаўняга дня народзінаў Мікалая Статкевіча.

Неўзабаве плануецца пашырэнне геаграфіі акцыі і з\’яўленне новых выяваў беларускіх палітычных зняволеных паблізу межаў нашай краіны, паведамілі нам сябры ініцыятывы.