Ліст Статкевіча: «Чорны час ідзе да канца»

Марына Адамовіч, жонка аднаго з лідэраў апазіцыі, палітвязня Мікалая Статкевіча, апублікавала вестку ад мужа.

Статкевіч з аднадумцамі ідуць у Цэнтрвыбаркам. 14 мая 2020 года

«Такі ўзровень гвалту і беззаконня, ды ў гэты самы цёмны, халодны час, безумоўна, уплывае на настроі людзей.

Але не трэба губляць надзею, падаць духам.

Бо галоўнае ўжо зроблена – мы цяпер Народ. А вольналюбівы, салідарны і мужны Народ назад у стойла болей не загоняць.

Чорны час ідзе да канца. А неадэкватныя дзеянні чорных істот толькі памяньшаюць гэты час», – пiша Мікалай Статкевіч (25.11.2020, СІЗА 8).