Павіншуй вязняў з Калядамі і Новым годам

Падтрымаць асуджаных можна лістом, паштоўкай або тэлеграмай.
У кастрычніку апазіцыйныя палітыкі і праваабаронцы ўзгаднілі спіс палітвязняў. Іх у Беларусі 11 чалавек. Мікалай Статкевіч, Дзмітрый Бандарэнка, Андрэй Саннікаў, Алесь Бяляцкі, Мікалай Аўтуховіч, Зміцер Дашкевіч, Эдуард Лобаў, Павел Севярынец, Ігар Аліневіч, Мікалай Дзядок і Аляксандр Францкевіч.

Старшыня Аб’яднанай грамадзянскай партыі Анатоль Лябедзька прапаноўвае спіс палітзняволеных пабудаваць па формуле «11+3». Трое — Яўген Васьковіч, Павел Сырамалотаў і Арцём Пракапенка, асуджаныя за спробу падпалу будынка КДБ у Бабруйску. Маладыя людзі не прызналі сябе вінаватымі ў наўмысным знішчэнні маёмасці. Паводле слоў Лябедзькі, ёсць некаторыя разыходжанні па справе праз недастатковую інфармацыю.

Мікалай Статкевіч, Арцём Пракапенка: 213004, Магілёўская вобл., г. Шклоў, папраўчая калонія № 17;

Андрэй Саннікаў: 211300, Віцебская вобл., Віцебскі р-н, п.Віцьба, ПК №3;

Дзмітрый Бандарэнка, Мікалай Дзядок: 213105 г.Магілёў, Слаўгарадская шаша, п/а Вейна, ПК № 15;

Эдуард Лобаў, Аляксандр Францкевіч: 225295 Брэсцкая вобл., г. Івацэвічы, «Воўчыя норы», а/с 20, ПК № 22;

Зміцер Дашкевіч: 211791, Віцебская вобл., г.Глыбокае, вул. Савецкая, 205, ПК № 13;

Павел Севярынец: 225143, Брэсцкая вобл., Пружанскі р-н, в. Куплін, ПУАТ-7;

Ігар Аліневіч: 211440, Віцебская вобл., г. Наваполацк, вул. Тэхнічная, 8, ПК № 10;

Алесь Бяляцкі: 222160, Мінская вобл., г. Жодзіна, вул. Савецкая, 22А, турма № 8;

Мікалай Аўтуховіч: 225293, Брэсцкая вобласць, г. Івацэвічы, ПК-5;

Яўген Васьковіч: 212011, г. Магілёў, вул.Крупскай, 99а, турма № 4;

Павел Сырамалотаў: 213030, г. Магілёў, Слаўгарадская шаша, 3 км, ПК №19.

Памятайце, што лісты не заўжды даходзяць своечасова. Таму варта адпраўляць іх загадзя.