Прапануем забяспечыць безперашкоднае правядзенне акцыі
Хэштэг акцыі #ВярніВыбары.
Сёння разам з Уладзімірам Някляевым пакінулі ў Мінгарвыканкаме дакумент наступнага зместу:
“У Мінскі гарадскі выканаўчы камітэт ад Някляева Уладзіміра Пракопавіча і Статкевіча Мікалая Віктаравіча
У адпаведнасці з правам, гарантаваным артыкулам 35 Канстытуцыі Рэспублікі Беларусь і падпісанымі нашай краінай міжнароднымі пагадненнямі, мы маем намер правесці 12 верасня 2016 года на Кастрычніцкай плошчы Мінска масавую акцыю з патрабаваннем сапраўдных выбараў замест выбарчых фарсаў, якія рэгулярна арганізуе правячы рэжым. Пачатак акцыі – у 18.00.
У Беларусі адсутнічае законна абраны парламент і, адпаведна, легітымная працэдура рэалізацыі канстытуцыйнага права на свабоду мітынгаў і дэманстрацый. Таму, у адпаведнасці з прынятай у суседніх краінах практыкай, паведамляем пра свой намер правесці 12 верасня масавую акцыю за 5 дзён да яе пачатку.
Прапануем выканаць патрабаванні Канстытуцыі і забяспечыць безперашкоднае правядзенне акцыі.
У. Някляеў
М. Статкевіч
6 верасня 2016 года”