Станіслаў Шушкевіч: Выбары ў Беларусі – аперацыя спецслужбаў

Удзел у іх – легітымізацыя дыктатуры.

Пра гэта «Радыё Рацыя» заявіў першы кіраўнік незалежнай Беларусі Станіслаў Шушкевіч.

З ягоных слоў, нельга гуляць паводле правіл сумленных выбараў, бо іх у краіне няма, і трэба шукаць новыя спосабы прыходу да ўлады.

«Усе людзі, у якіх ёсць сумленне і гонар, не павінны ўдзельнічаць у гэтых «выбарах», – адзначыў палітык. – Усе справы, якія робяцца цяпер, накіраваныя на тое, каб пад якім-небудзь выглядам узяць удзел у так званых прэзідэнцкіх выбарах, і, дарэчы, – у «парламенцкіх» таксама. Наша заканадаўства і інструкцыі, зацверджаныя выбарчай камісіяй, такія, што выбараў быць не можа. Гэта будзе аперацыя спецслужбаў. І ўсякі ўдзел у такіх выбарах – гэта фактычна легітымізацыя той нелегітымнай улады, якая існуе».

Станіслаў Шушкевіч мяркуе, што адзін з варыянтаў правядзення прэзідэнцкай кампаніі ў гэтым годзе, які з\’яўляецца непрымальным для ўлады, – гэта вылучэнне кандыдатам у прэзідэнты ад апазіцыі палітычнага зняволенага Мікалая Статкевіча.