У Менску з'явіліся плакаты супраць размяшчэння расейскіх вайсковых баз
Актывісты «Альтэрнатывы» 3 кастрычніка расклеілі ў Менску плакаты супраць размяшчэння ў Беларусі чарговай расейскай вайсковай базы.
Пра гэта гэтым напісаў на сваёй старонцы ў сацыяльнай сетцы «Фэйсбук» лідар грамадскага аб\’яднання «Альтэрнатыва» Алег Корбан.
Некалькі дзясяткаў плакатаў былі размешчаныя на стэндах і афішах ў цэнтры Менска. Акцыя прайшла без якіх-небудзь эксцэсаў і выклікала цікавасць сярод мінакоў, многія з якіх уважліва чыталі змест плакатаў, паведамляе прэс-служба «Альтэрнатывы».
«З дапамогай такіх плакатаў мы хочам прыцягнуць увагу нашых грамадзян да важнага палітычнага пытання – пастановы расейскіх уладаў размясціць на тэрыторыі Беларусі чарговы свой вайсковы аб\’ект. Мы мяркуем, што ад гэтага беларусам лепш не стане, наадварот, нашу краіну ўцягнуць у магчымыя ваенныя супрацьстаянні і канфлікты, ад якіх пацерпіць зноў жа наш народ і дзяржава агулам. Самы найлепшы выбар – незалежная і нейтральная Беларусь, свабодная ад замежных вайсковых баз і чужога войска», – распавёў Алег Корбан.