Выплаты супрацоўнікам МУС за дадатковы час на службе

Суд у Гомелі дадаў 22 мільёны рублёў да выплат кампенсацыі за нанесены Мікалаем Статкевічам (з “падзельнікамі” – на шасцярых) урон – для выплат супрацоўнікам МУС за дадатковы час на службе падчас паслявыбарных пратэстаў.

Пра гэта паведаміў Мікалай у лісце ад 03.11.2022.

Марына Адамовіч: “А я, наіўная, думала, што разгон пратэстоўцаў уваходзіць у службовыя абавязкі пазначаных супрацоўнікаў. Аказваецца, не. Гэта – “па зову сэрца”, сверхурочна.

(Мяркую, маліцца трэба за іх душы, каб не памнажаць зло на зямлі).

Зацаніце масштаб. Да гэтага, “па рашэнню суда” была сума, усяго толькі, 1 млн даляраў на шасцярых. Ну хто ж на такія дробязі ўвагу звяртае. Вось, вырашылі “дабавіць”. Нават не ведаю, плакаць ці смяяцца. Дакладней, ведаю, канешне.»