Афіцыйная статыстыка звычайна мае “кампліментарны” характар

З ліста ад 18.08.2022

“Чуў па радыё, што за паўгады ВУП зменшыўся на 5,3%. А за першыя 5 месяцаў года – 3,4%, як я памятаю. Першыя два месяцы падзення амаль не было. Такім чынам, за першыя тры месяцы расійска-украінскай вайны падзенне ВУП складала ~ 1% за месяц. А за чэрвень тэмп падзення павялічыўся ўдвая – да 2%. Нават, калі такі тэмп захаваецца, то напрыканцы года эканоміка зменьшыцца на ~17%. Гэта вельмі шмат. Пры тым, што афіцыйная статыстыка звычайна мае “кампліментарны” характар.

Увогуле, незалежныя эканамісты кажуць пра выніковае падзенне эканомікі з-за санкцый на 20% і адсутнасць прычын да росту пасля гэтага. Афіцыйныя аналітыкі ў “СБ” пішуць пра страты у 16÷17 млрд. $. Гэта да чвэрці ВУП.”

Мікалай Статкевіч, ПК №13 г. Глыбокае