Лісты на волю

З ліста ад 30.01.2023

“Тут днямі краем вуха чуў, што беларусаў ужо ледзь не “паслалі” ваяваць. І што, баявую зброю збіраюцца ім выдаць? Цікава, куды яны яе павернуць? ?

Да канца дзесяцігоддзя “зялёная энергетыка” ў Еўропе стане пераважаць.

З ліста ад 26.01.2023

“Вельмі хвалюе сітуацыя на волі з гэтымі вучэннямі. Інфармацыі пра сітуацыю ў іншых краінах (нават у Расіі) у мяне вельмі мала і я недаацаніў небяспечнасць гэтых вучэнняў.

З ліста ад 26.01.2023

“Наконт камер тут – іх пачалі мяняць пасля кожнага ШІЗА. Пасля апошняга спачатку трапіў у вуглавую камеру на паўпадвальным паверсе, дзе нават “паложанай” радыёкропкі не было, а з паловы столі дастаткова інтэнсіўна капала вада.

З ліста ад 23.01.2023

“[…] далей звычайная ратацыя з “адзіночкі” ў ШІЗА ? На гэты раз не самая ўдалая. (Ага, аказваецца, астатнія былі “ўдалыя”. Чаму я не здзіўляюся? М.А.). Сяджу ў ШІЗА звычайна разам з “прыстойным арыштантам” са знаёмых.

З ліста ад 05.01.2023

“Ужо некалькі разоў пасля выпіскі з медчасткі бралі кроў з пальца на аналіз. Як я разумею, застаецца завышанай СОЭ. Сёння рабілі “кантрольную” флюараграфію, у тым ліку, асобны здымак правага лёгкага.