Лісты на волю

З ліста ад 10.11.2022

“… падчапіў нейкі вірус – тэмпература, галаўны боль, невялікі кашаль. Але ж пройдзе. У астатнім ўсё, як звычайна. Заўтра выклікаюць на камісію. Так што зноў будзе перапынак у маіх лістах”.

З ліста ад 24.10.2022

“Афіцыёз зараз мусіруе тэмы пра эканамічныя цяжкасці на Захадзе і масавыя пратэсты там супраць антырасійскіх санкцый. Але, адрозна ад РФ і РБ, па выніках года на Захадзе чакаецца эканамічны рост.

З ліста ад 17.10.2022

“Вельмі трывожыць размяшчэнне расійскіх войскаў на нашай зямлі. Нават, калі і не ўцягнуць наўпрост у вайну з Украінай, то могуць быць выкарыстаны для “завяршэння палітычнага будаўніцтва саюзнай дзяржавы”.

З ліста ад 20.10.2022

“У мяне ўсё добра, адчуваю сябе добра. Тут усё, як звычайна – чытаю, займаюся фізкультурай, раз-пораз атрымліваю спагнанні з-за “дворыкаў”. […] Калі ласка, не хвалюйся за мяне.

З ліста ад 10.10.2022

“Чарговы перапынак у ліставанні, як заўсёды, выкліканы ШІЗА. На гэты раз быў там з 5.10 па 10.10. Ужо неяк і прызвычаіўся да змены відаў пакаранняў – “адзіночка” – ШІЗА – “адзіночка” ?