Лісты на волю

Ліст ад 18.05.2022

“Чуў, што ЕС вырашыў патраціць за 5 год 196 мільярдаў еўра, каб цалкам адмовіцца ад расійскіх углевадародаў. Мабыць, спачатку новыя газаправоды пабудуюць, а потым фарміруюць пераход да безвуглявадароднай энергетыкі.

Ліст ад 15.05.2022

“Мае спачуванні блізкім С.С.Шушкевіча. “СБ” напісала пра яго смерць толькі ўчора – пасмяротна аблаялі ў двух артыкулах, па паласе кожны. Ды яшчэ пасмяртная карыкатура. Красамоўная рэакцыя афіцыёза на смерць першага кіраўніка незалежнай Беларусі.

05.05.2022

“Дарэчы, адно з разміначных практыкаванняў – стаяць на адной назе з заплюшчанымі вачыма на час. Сёння [05.05] стаяў, пакуль не далічыў да 100. Потым надакучыла. Пасля прынеслі газеты і ў “АіФ” прачытаў, што па часе выканання гэтага спрактыкаваныя можна вызначыць біялагічны ўзрост.

03.05.2022

«Зараз пачынаецца “газавая вайна” паміж РФ і ЕС. Абодва бакі ўзаемазалежныя ў гэтым пытанні, бо звязаныя агульнымі газаправодамі. Але ў выніку гэтай “вайны” залежнасць гэтая праз пару год зробіцца аднабаковай.

27.04.2022

«Дзякуй за камплімент маёй прапанове па нейтралітэту. Але зараз яна пакуль не актуальная […]. Як я зразумеў, аўтарытэт украінскай арміі ў свеце зараз высокі і Захад гатовы пастаўляць ёй любую зброю, якую яна здольна засвоіць і эфектыўна скарыстаць.